Sørvingar aftur á flog

19-02-2010

JaS
Triðja árið á rað, eru bæði, sørvágsliðini í flogbólti, við í stóru steypafinaluni á Nabb í Havn. Hettar er bragd í sjálvum sær, men enn liggur á, at vinna báðar saman, sama ár.

Fyri tveimum árum síðan vóru kvinnurnar við fyri fyrstu fer, og nervatvunnar taptu tær stórt móti ÍF, mennirnir vundu úr Mjølnir. Í fjørð bragdaði hjá kvinnunum sum vunnu fyri fyrstu fer. Bæði liðini leiktu móti ÍF, mennirnir taptu.

Í morgin leygardagin 20.02 kl. 13.30 leika kvinnurnar móti Dráttur. Umleið tveir tímar seinni dystast mennirnir móti Mjølnir.

Útlitini fyri sigri í báðum eru góð, men ongin skal kanna sær bitan, áðrenn svølgt er.

Mjølnir hevur havt takið á okkara monnum í fyrru hálvu av kappingini. Í seinnu hálvu, hava okkara verið sannførandi omaná. Við Jóhan Peturi er verjuspælið og serliga móttøkurnar komnar í tryggari legu. Rajko Petrovic er nú í fullum snúningum og saman við framflutta Kára Mikkelsen, er álopið styrkt munandi.

Stóru slagstyrkina hjá Mjølnir finna vit í Boban Ilic og báðum miðspælarunum Jón Syderbø og Bárður Venned. Við Thorvald Danielsen sum skilagóðum hevara, kann miðspæli verða ein stór hóttan fyri alla mótstøðu, men til tað krevjast góðar móttøkur, og her haltar hjá Mjølnir. “Uttan góðar móttøkur, kann man tað sama fara heim” citat Jóhan Petur.

Jón Nielsen hevur enn einaferð valt at standa hinumegin netið. Yvist í um hettar, soleiðis í evstu løtu, er styrkur hjá Mjølnir. Súrari bonk, og sannlíkt verða teir ordiligu sørvingarnir bara tað meir uppsettir.

Annars kunnu vit í SÍ ikki sørt erpa okkum av, hóast fullan skiftisleikarabonk, at hava leikarar í øðrum feløgum. Fleiri í Fleyr og nú eisini í Mjølnir. Felags fyri teir allar man tó vera, at tað teir hava vunnið, hava teir vunnið við SÍ!